Izraıl BAPOR qyzmetin shekteıtin jańa zań qabyldady

ASTANA. KAZINFORM – Izraılde Birikken ulttar uıymynyń Taıaý Shyǵys elderine kómek kórsetetin BAPOR jumysyna tyıym salatyn qarar qabyldandy, dep habarlaıdy Euronews. 

Qujatqa sáıkes, BUU-nyń palestınalyq bosqyndar jónindegi agenttigine nemese UNRWA-ǵa Izraılde «kez kelgen jumys» júrgizýge nemese qandaı da bir qyzmet kórsetýge tyıym salynady. Izraıl bıligine BAPOR-men kez kelgen baılanys ornatýǵa tyıym salynady. 

Izraıldiń málimdeýinshe, BAPOR-dyń júzdegen qyzmetkeriniń HAMAS sodyrlarymen baılanysy bar jáne HAMAS áskerı tehnıkasy agenttik nysandarynyń mańynan nemese astynan tabylǵan, al uıymnyń qamqorlyǵyndaǵy oqý oryndary Izraılge óshpendilik týdyryp, terrordy dáripteıdi.

Izraıldiń sheshimi gýmanıtarlyq kómek kórsetý protsesiniń kúıreýine ákeledi», - dep túsindirdi BAPOR.

Eýropalyq dıplomatııanyń basshysy Jozep Borrelldiń málimdeýinshe, bul zań «de-fakto BAPOR-dyń Gazadaǵy ómirlik mańyzdy operatsııalaryn múmkin emes etedi jáne Batys jaǵalaýda qyzmet kórsetýge aıtarlyqtaı kedergi keltiredi. 

Buǵan deıin Ortalyq barlaý basqarmasynyń dırektory Gazada 28 kúndik bitimge kelýdi jáne kepilge alynǵandardy aıyrbastaýdy usynǵan bolatyn.