Izraıl áskeri Gaza sektoryna kirdi – Bınıamın Netanıahý
Izraıl áskeri palestınalyq radıkaldy uıym HAMAS-ty joıý jáne 7 qazanda Izraılge shabýyl kezinde atalǵan uıym tutqynǵa alǵan adamdardy bosatý úshin Gaza sektorynyń aýmaǵyna kirdi. Bul týraly eldiń premer-mınıstri Bınıamın Netanıahý óz ultyna teleúndeýde aıtty. Kazinform bul týraly TASS-qa silteme jasap habarlaıdy.
«Izraıl azamattary, ótken túni bizdiń qurlyqtaǵy áskerimiz Gaza qaqpasynan ótip, zulymdyq apanyna kirdi. Bul – naqty maqsaty bar soǵys: HAMAS-tyń kózin joıý jáne tutqyndardy qaıtarý», - dedi ol.
Aıta keteıik, 28 qazan kúni keshke Túrkııa prezıdenti Rejep Taııp Erdoǵan Ystanbulda palestınalyqtardy qoldaýǵa baǵyttalǵan jáne mıllıonnan astam adam qatysqan mıtıngide sóz sóılegen bolatyn. Ol Izraıl premer-mınıstri Benıamın Netanıahýdy terrorıst dep atap, Izraıldi basqynshylyq úshin kinálap, batys elderin palestınalyqtardy jappaı óltirdi dep aıyptady. Osydan keıin Izraıl Syrtqy ister mınıstri Elı Koen Túrkııadaǵy dıplomattaryn keri qaıtarý týraly sheshim qabyldaǵanyn málimdedi.
7 qazanda Palestınadaǵy HAMAS toby Izraılge shabýyl jasap, elder soǵys jaǵdaıyna kóshti.
9 qazanda Izraıl Gaza sektoryna aparar joldardy tolyq jaýyp tastady. ıAǵnı halyq jaryq, tamaq jáne janar-jaǵarmaısyz qaldy.