Izraıl armııasy Lıvannyń ońtústiginde «Hezbollaǵa» qarsy qurlyq operatsııasyn bastady
ASTANA.KAZINFORM - Izraıl armııasy dúısenbi kúni Lıvannyń ońtústiginde ornalasqan shekaralyq aýdandardaǵy lıvandyq «Hezbolla» tobynyń nysandaryna «shektelgen operatsııa» bastaǵanyn habarlady, dep jazady BBC News.
«Birneshe saǵat buryn TsAHAL Lıvannyń ońtústigindegi «Hezbollanyń» lańkestik oryndary men ınfraqurylymyna qarsy naqty barlaý aqparatyna negizdelgen shekteýli jáne maqsatty jerústi reıdterin bastady. Bul nysandar shekaraǵa jaqyn aýyldarda ornalasqan jáne Izraıldiń soltústigindegi ızraıldik qaýymdastyqtarǵa tikeleı qaýip tóndiredi», - delingen TsAHAL málimdemesinde.
Dúısenbi kúni Izraıl únemi «Hezbolla» sodyrlarynyń atqylaýyna ushyraıtyn eldiń soltústik aımaqtaryn qorǵaý úshin Lıvan shekarasynda qurlyqtaǵy operatsııaǵa daıyndalyp jatqany týraly habar tarady.
In accordance with the decision of the political echelon, a few hours ago, the IDF began limited, localized, and targeted ground raids based on precise intelligence against Hezbollah terrorist targets and infrastructure in southern Lebanon. These targets are located in villages…
— Israel Defense Forces (@IDF) September 30, 2024
Dúısenbi kúni keshke Izraılde áskerı mınıstrler kabınetiniń otyrysy ótti. Izraıldik BAQ-tyń habarlaýynsha onda Hezbollaǵa qarsy operatsııanyń kelesi kezeńi bekitildi. AQSh Memlekettik departamentiniń baspasóz hatshysy Mettıý Mıller brıfıngte Izraıl bıligi Vashıngtondy «birqatar operatsııalar» jasalatyny týraly sonyń ishinde Lıvandaǵy jerústi operatsııalary týraly habardar etkenin aıtty.
Dúısenbi kúni Ioav Galant Lıvan shekarasyna jaqyn jınalǵan áskerlerge qarata sóılegen sózinde:
«(Hasan) Nasrallany joıý mańyzdy qadam, biraq sońǵy emes. Soltústik turǵyndaryn aman-esen úılerine qaıtarý úshin biz sizderdi qosa alǵanda, barlyq múmkindigimizdi paıdalanamyz», - dedi.
Dúısenbi kúni keshke ISD Izraıldiń Lıvanmen shekarasyndaǵy aýmaqty kirýge tyıym salynǵan jabyq áskerı aımaq dep jarııalady. Bul aımaq shekaradaǵy salystyrmaly túrde shaǵyn jer, ıaǵnı ol úsh jaǵynan Lıvan terrıtorııasymen qorshalǵan.
«Hezbolla» jetekshisiniń orynbasary Naım Kassem bul toptyń Izraıl shabýylyna daıyn ekenin aıtty. Ol uıymnyń basshysy Hasan Nasralla men birqatar joǵary laýazymdy qolbasshyyyń qazasy top úshin kúshti soqqy bolǵanyn moıyndady, biraq onyń áskerı múmkindikteri ózgerissiz qalǵanyn atap ótti.
