Izraıl arheologtary ejelgi pildiń azýyn tapty

TELЬ-AVIV. QazAqparat – Izraıl arheologtary shamamen jarty mıllıon jyl buryn Izraıldiń ońtústiginde ejelgi adamdar aýlaǵan tarıhqa deıingi pildiń úlken azýyn tapty, dep habarlaıdy QazAqparat tilshisi CBS News agenttigine silteme jasap.

Izraıldiń eskilik basqarmasy sársenbide Tel-Avıv ýnıversıteti men Ben-Gýrıon ýnıversıtetiniń zertteýshilerimen birlesken qazba jumystary kezinde uzyndyǵy 2,5 metr bolatyn tasqa aınalǵan zat tabylǵanyn málimdedi.

Qazba jumystaryn júrgizgen ejelgi arheolog Avı Levı bul «Izraılde nemese Taıaý Shyǵysta tabylǵan eń úlken qazba» dep málimdedi.

Eskilik basqarmasynyń málimeti boıynsha, bul jer tómengi paleolıt dáýirine tıesi (shamamen 500 myń jyl buryn). Osy jerden tas quraldary tabylǵan bolatyn.

Ǵalymdar jarty mıllıon jyl buryn ejelgi pildiń tabylǵan jerinde batpaqty nemese taıaz kól bolǵan dep boljap otyr. Bul ejelgi gomınıdterdiń mekendegen jeri (prımattar tuqymdasy, onyń ishinde adamdar men úlken maımyldar) bolýy múmkin.

Foto: cbsnews.com