Italııada mıgranttar mingen qaıyq aýdarylyp, 41 adam qaza tapty

ASTANA. QazAqparat – Italııanyń Lampedýza aralynda mıgranttar mingen qaıyq apatqa ushyrap, 41 adam mert boldy, dep habarlaıdy QazAqparat VVS-ge silteme jasap. Apattan 4 adam aman qalǵan. Olar qutqarýshylarǵa qaıyqta barlyǵy 45 adam, sonyń ishinde úsh bala bolǵanyn aıtqan.

Keme Týnıstegi Sfaks qalasynan shyqqan. Birneshe saǵattan keıin aýdarylyp, sýǵa batyp ketken. Sfaks – Lampedýzadan shamamen 130 shaqyrym jerdegi portty qala. Týnıs bıliginiń aıtýynsha, bul jerden mıgranttar qaýipsiz ómir izdep Eýropaǵa zańsyz attanady.

Aman qalǵan adamdardy Malta júk kemesi shyǵaryp alyp, Italııa jaǵalaý kúzetine tabystaǵan.

Keıingi eki kúnde ıtalııalyq patrýldik kater men qaıyrymdylyq toptary Lampedýzaǵa kelgen 2 myńǵa jýyq adamdy qutqarǵan. Jeksenbi Italııanyń jaǵalaý kúzeti taǵy eki keme apatqa ushyrap, 30 adam iz-túzsiz joǵalǵanyn aıtsa, dúısenbi kúni Týnıs bıligi Sfaks mańynda 11 adamnyń máıitin tapty. Italııa ishki ister mınıstrliginiń deregi boıynsha, jyl basynan Italııaǵa teńiz arqyly 93700 zańsyz mıgrant kelgen. Byltyr osy kezeńde olardyń sany 44700 boldy.