Italııada qazaq qyzyn kólik qaǵyp, mert qyldy

ASTANA. QazAqparat – Italııanyń Salerno qalasynda 27 jastaǵy Ásem Jarbosyndy kólik qaǵyp, mert qyldy. Bul aqparatty elimizdiń Syrtqy ister mınıstrligi resmı rastady, dep habarlaıdy QazAqparat tilshisi.

«Qaıǵyly oqıǵany rastaımyz. Qazir múrdesin Qazaqstanǵa jetkizý úshin jumys júrgizilip jatyr. Týystarymen baılanystamyz», - dedi Syrtqy ister mınıstrliginiń resmı ókili Aıbek Smadııarov.

Aıta keteıik, búgin elimizdiń buqaralyq aqparat quraldarynda 27 jastaǵy Ásem Jarbosynnyń Italııada qaza tapqandyǵy jarııalanǵan edi.

Atalǵan eldiń jergilikti BAQ taratqan málimetine sáıkes, qaıǵyly oqıǵa Salerno qalasynda oryn alǵan. 17 qańtar kúni Peugeo kóligin basqarǵan 20 jastaǵy júrgizýshi Djýzeppe Verdı opera teatry mańyndaǵy jaıaý júrginshiler jolynda stýdent qyzdy qaǵyp ketken.

BAQ málimetterine qaraǵanda, qazaq qyzyn qaqqan júrgizýshi oǵan alǵashqy kómek kórsetýge tyrysqan, jedel járdem shaqyrǵan. Alaıda, ókinishke oraı ony qutqarý múmkin bolmady.

Foto: ilmessaggero.it