Italııada ınflıatsııa deńgeıi tómendedi

RIM. QazAqparat - Italııada jyldyq ınflıatsııa sáýirde 8,2% bolsa, mamyrda 7,6%-ǵa tómendedi, dep habarlaıdy QazAqparat tilshisi.

Italııa statıstıkalyq agenttiginiń (Istat) málimetinshe, ınflıatsııanyń baıaýlaýyna energııa baǵasynyń dınamıkasy áser etken. Atap aıtqanda, osy jyldyń mamyr aıynda energııa baǵasy 26,6%-dan 20,3%-ǵa tómendedi.

Italııanyń azyq-túlik sektorynda da óńdelgen ónimder baǵasynyń jyldyq kórsetkishi tómendegeni baıqaldy. Al bul bazalyq ınflıatsııanyń (6%-ǵa deıin) tómendeýine yqpal etti.

Osy aptada Italııa Banki 2023 jyly JІÓ joǵary bolatynyn boljady. Alaıda 2024-2025 jyldarǵa arnalǵan boljamyn tómendetken. Osylaısha, Ortalyq bank 2023 jyly JІÓ osy jyldyń qańtaryndaǵy 0,6% kórsetkishpen salystyrǵanda 1,3%-ǵa ósýi kerek ekenin málimdedi.