Italııa premeri Qazaqstanǵa resmı saparmen keldi
ASTANA. KAZINFORM — Bul týraly Aqordanyń baspasóz qyzmeti habarlady.
— Memleket basshysy Qazaqstanǵa resmı saparmen kelgen Italııa Premer-mınıstri Djordja Melonıdi elorda áýejaıynan qarsy aldy, — delingen habarlamada.
Eske salsaq, qańtar aıynda Qazaqstan Prezıdenti Italııa Mınıstrler Keńesiniń tóraǵasy Djordja Melonımen kezdesken edi. Memleketaralyq yntymaqtastyqty joǵary deńgeıde saqtaý úshin Qasym-Jomart Toqaev Djordja Melonıdi Astanaǵa resmı saparmen kelýge shaqyrdy.
Keıinnen Prezıdent Qasym-Jomart Toqaevtyń shaqyrýymen 26-27 sáýir kúnderi Italııa Premer-mınıstri Djordja Melonı Qazaqstanǵa resmı saparmen keletini anyqtaldy.
Alaıda sáýirde Italııa premer-mınıstriniń Qazaqstanǵa josparlanǵan sapary keıinge shegerildi. Oǵan sebep Italııa Úkimetiniń basshysy Djordja Melonı Rım Papasy Frantsıskti jerleý rásimine qatysatyn boldy.
Jaqynda elordada ótken «Italııa — Qazaqstan» iskerlik forýmynda eki eldiń uıymdary jalpy somasy 180 mıllıon eýro bolatyn 10 memorandýmǵa qol qoıdy.