Ystyqkólde shymkenttik sportshy sýǵa batyp ketti

ASTANA. KAZINFORM – Sport basqarmasy Ibragım Irısmatovtyń Qyrǵyzstanǵa ózi barǵanyn, ulttyq komandanyń jattyǵýlaryna qatyspaǵanyn aıtyp otyr.

Áleýmettik jelilerde Qyrǵyzstanda bolǵan qaıǵyly oqıǵa týraly habar tarady. Ystyqkólde 21 jastaǵy shymkenttik boksshy Ibragım Irısmatov sýǵa batyp ketken.

Sondaı-aq qaıǵyly jaǵdaı bolǵan mańda 22 jasqa deıin qazaqstandyq boksshylar komandasynyń oqý-jattyǵý jıyny ótip jatqany aıtyldy. Bul bolǵan oqıǵanyń jıynǵa qatysy týraly suraq týdyrdy.

Shymkenttiń sport basqarmasy Ibragım Irısmatovtyń qalalyq Kásibı boks klýbynyń (sporttyq saýyqtyrý kesheni) sportshysy ekenin rastady. Alaıda onyń Ystyqkólde ótip jatqan jattyǵýlarǵa qatysy joq.

- Jas jigit Qyrǵyzstanǵa demalý úshin óz aqshasyna barǵan jáne basqa bazada jatqan, - dep túsindirdi vedomstvo ókilderi.

Qazaqstan boks federatsııasy qaıǵyly oqıǵa bolǵan kezde ulttyq qurama josparly jıynda bolǵanyn rastady. Al Irısmatov qatysýshylar tiziminde bolmaǵan. Qaıǵyly jaǵdaıdyń komandanyń daıyndyǵyna qatysy joq, dep qosty federatsııa ókilderi.

Osyǵan deıin Ystyqkólde jyl boıy jumys isteıtin jańa kýrort salynatyny týraly jazdyq.