Ystanbulda mıllıondaǵan esirtki tabletkasy tárkilendi
ASTANA. KAZINFORM – Ystanbulda polıtsııa qyzmetkerleri iri esirtki saýdasyna qarsy keń aýqymdy operatsııa júrgizip, tyıym salynǵan zattardyń iri partııasynyń taralýyna jol bermedi, dep habarlaıdy Kazinform agenttiginiń Túrkııadaǵy menshikti tilshisi.
Operatsııa Túrkııa Іshki ister mınıstrligine qarasty Esirtki qylmystarymen kúres bas basqarmasynyń (EGM) úılestirýimen, sondaı-aq Ystanbul polıtsııasynyń esirtkige qarsy jáne barlaý bólimsheleriniń qatysýymen ótti.
Túrkııanyń ishki ister mınıstri Alı Ierlıkaıanyń málimetinshe, reıdter Týzla, Bashakshehır jáne Beılıkdıýzıý aýdandarynda júrgizilgen. Tekserý barysynda quqyq qorǵaýshylar mynalardy anyqtaǵan:
4 mıllıon 42 myń dana esirtki tabletkasy;
214 kılogramm metamfetamın;
69 kılogramm marıhýana;
438,5 kılogramm tabletka óndirýge arnalǵan hımııalyq zattar.
Operatsııa nátıjesinde esirtki jetkizý men taratýdy uıymdastyrdy dep kúdiktelgen 11 adam ustaldy.
Túrkııa Іshki ister mınıstrligi málim etkendeı, esirtkiniń zańsyz aınalymyna qarsy kúres polıtsııa qyzmetiniń basty basym baǵyttarynyń biri bolyp qala beredi. Mundaı keń kólemdi operatsııalar esirtki jelileriniń qarjylyq negizin álsiretýge jáne jastardy qaýipti táýeldilikten qorǵaýǵa baǵyttalǵan.
“İstanbul'da 4 milyon 42 bin adet Uyuşturucu Hap ile 283 kg Uyuşturucu Madde ele geçirdik”
— Ali Yerlikaya (@AliYerlikaya) October 9, 2025
EGM Narkotik Suçlarla Mücadele Başkanlığımız koordinesinde; İstanbul İl Emniyet Müdürlüğü Narkotik Suçlarla Mücadele ve İstihbarat Şube Müdürlüklerince yapılan ortak çalışmalar sonucu;… pic.twitter.com/FtysoSD9eq
Buǵan deıin Ystanbulda polıtsııa men jandarmerııa shoý-bıznes ókilderiniń esirtki qoldanýyna baılanysty iri operatsııa júrgizgen bolatyn.