Ispanııadaǵy týrnırde qazaqstandyq tennısshiler ózara kezdesedi

ASTANA. QazAqparat – Qazaqstandyq tennısshiler Tımofeı Skatov pen Mıhaıl Kýkýshkın Sevılıa (Ispanııa) chellendjer týrnıriniń ekinshi aınalymynda ózara kezdesedi, dep habarlaıdy QazAqparat tilshisi.

Álemniń 129-ynshy, osy jarystyń 6-raketkasy T.Skatov bastapqy kezdesýinde dúnıejúzilik reıtıngte 269-orynda turǵan Polsha ókili Danıel Mıhalskıden 6:1, 5:7, 6:3 esebimen basym tústi.

Álemniń 242-raketkasy Mıhaıl Kýkýshkın reıtıngte 741-satydaǵy ıspanııalyq, 21 jastaǵy Dıego Aýgýsto Barreto Sanchespen sheberlik baıqasty. Munda qazaqstandyq tennısshi qarsylasyn 6:4, 6:4 esebimen tize búktirdi. Eki saǵattan astam ýaqytqa sozylǵan báseke barysynda M.Kýkýshkın 3 eıs jasap, 14 breık-poınttyń beseýin paıdalandy.

Endi Tımofeı Skatov pen Mıhaıl Kýkýshkınniń qaı jeńgeni shırek fınalǵa shyǵady.

Eske sala keteıik, budan buryn AQSh ashyq chempıonatynda Anna Danılına mıkste jartylaı fınalǵa joldama alǵanyn jazǵan bolatynbyz.

Sondaı-aq Elena Rybakına Live reıtıngte úshinshi orynǵa kóterildi.