Ispanııadaǵy orman órti 250 myń gektarǵa jýyq aýmaqty sharpydy

NUR-SULTAN. QazAqparat –Eýropa elderinde orman órtimen kúres jumystary áli de jalǵasýda. Onda joǵary aýa temperatýrasy men kúshti, keıde baǵytyn ózgertetin jel qıyndyq týdyrýda. Bıyl koroldikte órt apaty 250 myń gektarǵa jýyq aýmaqty sharpydy, dep habarlaıdy QazAqparat Euronews-ke silteme jasap.

Alıkante provıntsııasynda qyzyl jalyn áli baqylaýǵa alynǵan joq. Órt oshaqtaryn sóndirýge áskerıler de qosylyp, tehnıka jumyldyryldy.

Val-de-Ebo eldi mekeniniń janyndaǵy órt 3,5 myń gektar ormandy joıdy. Ótken demalys kúnderi qaýipti jerlerden 1200 adam evakýatsııalandy. Saragosa provıntsııasyndaǵy Anon-de-Monkaıo mýnıtsıpalıtetiniń aýmaǵynda 1,5 myńnan astam turǵyn úılerin tastap ketti.

Búkil Eýropa elderinde órt sany kóbeıip, Ulybrıtanııa sııaqty sýyq elderge de áserin tıgizýde. Dúısenbide Sýrreı graftyǵynda úı janyp ketti. Órt sóndirýshiler janýarlardy qutqaryp úlgerdi. Uzaq ýaqyt boıy aptap ystyq bolǵan Sýrreıde qazir naızaǵaı kútilýde.

Vıdeodan alynǵan kadr