Ispanııa jaǵalaýynda qaıyqtan tabylǵan bosqyndar arasynda 7 adam qaza tapty
ASTANA. KAZINFORM —Seısenbi kúni tańerteń Gran Kanarııa aralynan ońtústikke qaraı 140 km jerde tabylǵan mıgranttar tıelgen qaıyqta 7 adam qaza taýyp, taǵy 12 adam aýrýhanaǵa jatqyzyldy. Bul týraly Ispanııanyń teńiz qutqarý qyzmeti habarlady. Bul týraly Sınhýa agenttigi jazdy.
Qaıyqty dúısenbi kúni jergilikti ýaqyt boıynsha saǵat 20:00 shamasynda saýda kemesi baıqap, qutqarý qyzmetine habarlaǵan. Kómekke 2 tikushaq pen qutqarý kemesi jiberildi.
Qaıyqtan 2 bosqynnyń máıiti tabyldy, 34 adam aman qaldy, onyń ishinde 27 er adam jáne 7 áıel. Olar Saharanyń ońtústigindegi Afrıkadan shyqqan. Aman qalǵandardyń aıtýynsha, Afrıkanyń soltústik-batys jaǵalaýynan qaýipti teńizden ótý kezinde bes adam qaza taýyp, olardyń denesi muhıtqa tastalǵan.
Kanar araldarynyń tótenshe jaǵdaılar qyzmeti men Qyzyl Krest aman qalǵandarǵa kómektesý úshin jaǵalaýda ortalyq qurdy. 24 jastaǵy eki er adam aýyr halde.
6 naýryzda Ierro aralynyń ońtústik jaǵalaýynda taǵy bir mıgranttar qaıyǵy tabyldy. Borttaǵylardyń ishinde 5 adam qaza taýyp, taǵy 15 adam aýrýhanaǵa jetkizildi.
Soltústik-Batys Afrıkadan Kanar araldaryna deıingi mıgranttar joly álemdegi eń qaýipti joldardyń biri. Bul jolda jyl saıyn birneshe myń adam qaza tabady.
