Islandııanyń ońtústik-batysynda janartaý atqylap jatyr

Islandııanyń ońtústik-batysyndaǵy Reıkıanes túbeginde birneshe kúshti jer silkinisinen keıin janartaý atqylady. Kazinform bul týraly VSS-ge silteme jasap habarlaıdy. 

Buǵan deıin Grındavık balyqshylar qalasynan 4 myńǵa jýyq adam evakýatsııalanyp, jaqyn mańdaǵy «Kógildir lagýna» geotermaldyq kýrorty jabylǵan bolatyn.

Janartaý atqylaýy Grındavıkten soltústik-shyǵysqa qaraı 4 shaqyrym jerde jergilikti ýaqyt boıynsha 22:17-de bastaldy, dep habarlaıdy Islandııanyń meteorologııalyq basqarmasynan. Mamandar sondaı-aq seısmıkalyq belsendiliktiń qalaǵa qaraı jyljyp jatqanyn qosyp ótti.

Janartaýdaǵy jaryqtyń uzyndyǵy shamamen 3,5 shaqyrymdy quraıdy, lava sekýndyna shamamen 100-200 tekshe metr jyldamdyqpen aǵyp jatyr, dep qosyp ótti departamentten.

Islandııa meteorologııalyq bıýrosynan atap ótkendeı, bul sońǵy jyldardaǵy Reıkıanes túbeginde bolǵan janartaý atqylaýynan birneshe ese kóp ekenin atap ótti.

Qazan aıynyń sońynan beri el astanasy Reıkıavık mańyndaǵy aımaqta seısmıkalyq belsendilik kúsheıip, onda myńdaǵan jerasty dúmpýi tirkeldi.

Jaǵalaý kúzetiniń tikushaǵy atqylaýdyń naqty orny men kólemin rastaý úshin aımaqqa jiberildi, dep habarlady Islandııa meteorologııalyq bıýrosynan.