Islandııada taǵy da janartaý atqylap jatyr
ASTANA. KAZINFORM — 800 jylǵa sozylǵan tynyshtyqtan keıin qaıta oıanǵan janartaýdyń lava aǵyny negizinen jeltoqsan aıynda evakýatsııalanǵan Grındavık qalasyna qaraı baǵyt alǵan joq, dep habarlaıdy Euronews.
Bir top ǵalymdar beısenbi kúni keshke Islandııadaǵy Grındavık qalasynyń mańynda ashylǵan janartaý jaryǵynyń ústinen ushyp ótti.
Komandanyń aıtýynsha, jarylǵan jerdiń uzyndyǵy — tórt shaqyrymǵa jýyq. Olar bul shuńqyrdyń buryn-sońdy kórmegen eń úlkeni ekenin aıtady.
Janartaý atqylaýy aldynda bir kún buryn jer silkinisi boldy. Bılik tótenshe jaǵdaı jarııalap, jaqyn mańdaǵy aýdandardan, sonyń ishinde «Kógildir lagýna» kýrortynyń SPA aımaǵynan adamdardy evakýatsııalady.
Bul — jeltoqsannan bergi altynshy atqylaý jáne ol aımaqtaǵy seısmıkalyq belsendilikke baılanysty birneshe apta boıy kútilgen.
Biraq ǵalymdar Grındavıkke qaýip tónip turǵan joq deıdi.
