Islandııada atqylap jatqan janartaýǵa baratyn joldar túgel jabyldy

ASTANA. QazAqparat - Odan ári qalaı órshıtini aýa aǵynynyń baǵyty men kúshine baılanysty bolady, dep habarlaıdy QazAqparat Euronews agenttigine silteme jasap.

Islandııada Reıkıanes túbeginde Fagradalfıal janartaýy atqylap jatyr.

Lıtlı Hrýtýr taýynyń janyndaǵy adam turmaıtyn aımaqqa aparatyn búkil negizgi joldar jabylǵan, bul mańǵa kisi kirýine tyıym salyndy.

Polıtseıler el turǵyndaryn gaz ben lava shyǵyp jatqan jaryqshaqqa jolamaýǵa shaqyrady.

Islandııa prezıdenti Gýdnı Iohannesson ınfraqurylymǵa ázirge qaýip joq ekenin aıtty.

«Janartaý gazy qaýpin tóndiretin úlken aýmaqty azamattyq qorǵanys organdary ýaqytsha jaýyp tastady», - dedi ol.

Bul - sońǵy úsh jyldaǵy úshinshi atqylaý, biraq bul jolǵy aýqymy áldeqaıda úlken.

Seısenbi kúni tańerteń jaryqshaqtyń uzyndyǵy qysqardy.

Jaǵdaıdyń odan ári qalaı órshıtini aýa aǵynynyń baǵyty men kúshine baılanysty bolady.