Islamıadada búgin qazaqstandyqtar sporttyń birneshe túrinen oıyn kórsetedi
Búgin qazaqstandyqtar dzıýdo, sýǵa júzý, sporttyq gımnastıka, kıkboksıng, karate-do sportynan synǵa túsedi.
Dzıýdodan komandalyq jarysta Aıbolat Ystybaı, Qanat Seıilhan (66 keli), Dastan Shaıahmetov (73 keli), Baraq Arqabaı, Bekádil Shaımerdenov, Ádilet Mısın (81 keli), Islam Bozbaev (90 keliden joǵary) tatamıge shyǵady.
Al sýǵa júzýden 50 metrge erkin ádispen júzýde Danıela Dıý men Sofııa Ábýbákirova, batterflıaı ádisimen júzýde Ádilbek Mýsın men Aleksandr Varakın baq synaıdy. Sondaı-aq, áıelder arasynda 100 metrlik qashyqtyqta aralas estafetada Ksenııa Ignatova, Adelaıada Pchelıntseva, Danıela Dıý men Sofııa Ábýbákirova, erler arasynda Egor Popov, Arsen Qojahmetov, Maksım Skazobtsov, Aıbek Qamzenov el namysyn qorǵaıdy.
Sporttyq gımnastıkada kópsaıysta Aıajan Shamshıtdınova, Aıajan Baýyrjanova oıyn kórsetedi.
Kıkboksıngte shırek fınalda Ersultan Gajden (54 keli), Nurdáýlet qalshora (57 keli), Batyrhan Qýandyqov (63,5 keli), Shara Hamzına (60 keli), Janar Atagýlaeva (65 keli) saıysqa túsedi.
Búgingi jarys kúninde kaate-do sportynan Qaısar Alpysbaı (60 keli), Mádına Alımanova (50 keli), Dıdar Ámiráli (67 keli), Ásemgúl Erdáýlet (55 keli) jáne Nurqanat Ájiqanov (75 keli) báseke kórigin qyzdyrady.
16 tamyzdaǵy medaldar kestesinde el quramasy besinshi orynda keledi. Enshimizde 71 (19 altyn, 20 kúmis, 32 qola) medal bar.
Medaldar sany jóninen Túrkııa - 265 (106-89-70), Ózbekstan - 121 (43-30-48), Iran - 116 (37-35-44) medal enshilep, aldyńǵy úshtikte keledi. Al tórtinshi oryndaǵy Ázerbaıjan - 71 (22-28-21) medal enshilep úlgerdi.
Foto: pinterest.com