Islamıadada búgin qazaqstandyqtar sporttyń 3 túrinen oıyn kórsetedi
Búgin qazaqstandyqtar sporttyq gımnastıka, kıkboksıng, karate-do sportynan synǵa túsedi.
Sporttyq gımnastıkadan jekeleı synda Aıajan Shamshıtdınova men Aıda Baýyrjanova el namysyn qorǵaıdy.
Al kıkboksıngte Batyrhan Qýandyqov (63,5 keli), Nurdáýlet Qalshora (57 keli), Shara Hamzına (60 keli), Berik Ysqaqov (60 keli) taıtalasqa túsedi.
Sondaı-aq, karate-do sportynan Ásel Qanaı (61 keli), Beıbarys Jańbyr (84 keli), Gýzalııa Gafýrova (68 keli), Sofııa Bezrýltseva (68 keliden joǵary) jarysqa qatysady.
Medaldar kestesinde Qazaqstan quramasy besinshi orynda keledi. Enshisinde 80 (24 altyn, 22 kúmis, 34 qola) medal bar. Alǵashqy úshtikte Túrkııa - 303 (127-97-79), Ózbekstan -112 (46-38-48), Iran -110 (38-41-48) medalmen keledi. Al tórtinshi oryndaǵy Ázerbaıjannyń enshisinde 85 (26-30-34) medal bar.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodaǵa 55 elden sportshylar keldi. Oıyndar 8 tamyzda bastalǵan, 18 tamyzda aıaqtalady.
Eske salsaq, 17 tamyzda sýǵa júzýshi Ádilbek Mýsın rekord jańartty .
Sondaı-aq, kıkboksıngten el qorjynyna úsh altyn tústi .
Foto: olympic.kz