21:49, 18 Tamyz 2022 | GMT +5
Islam oıyndarynda Qazaqstan qorjynyna gımnastıkadan taǵy 3 medal tústi
NUR-SULTAN. QazAqparat – Sporttyq gımnastıkadan ulttyq qurama komandasynyń ókili Aıda Baýyrjanova Túrkııada ótip jatqan Islam yntymaqtastyǵy oıyndarynda úsh medal jeńip aldy. Bul týraly QazAqparat Gımnastıka federatsııasyna silteme jasap habarlaıdy.
Aıda erkin jattyǵýlar boıynsha altyn, bórene ústindegi jáne qossyryqtaǵy jattyǵýlardan sáıkesinshe kúmis jáne qola júldelerge ıe boldy.
Buǵan deıin qazaqstandyq kórkem gımnastıka sheberi Eljan Tanıeva Islam yntymaqtastyǵy oıyndarynyń jeńimpazy atandy. Al kórkem gımnastıka sheberleri qola júlde aldy.
Aıta ketsek, Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodada 55 elden sportshylar keldi. Oıyndar 8 tamyzda bastaldy. Ol 18 tamyzda máresine jetedi.