Islam Karımov resmı túrde Ózbekstan prezıdenti atandy
Parlamenttiń joǵarǵy (senat) jáne tómengi (zańnamalyq) palatalarynyń birlesken otyrysyna sonymen qatar Ortalyq saılaý komıssııasynyń jáne úkimet músheleri, Konstıtýtsııalyq sottyń sýdıalary, Tashkentte akkredıttelgen dıplomatııalyq vedomstvolardyń basshylary qatysty. Ózbekstan prezıdentiniń kýáligin I.Karımovke OSK tóraǵasy Mırza-Ýlýgbek Abdýsalomov tabys etti. Odan soń qaıta saılanǵan memleket basshysy el Konstıtýtsııasy men Quranǵa bir mezette qolyn qoıyp, respýblıkanyń Konstıtýtsııasy men zańdaryn qatań saqtaıtynyna, azamattardyń quqyǵy men erkindigine kepildik beretinine ant qabyldady, dep habarlady «Interfaks». Ózbekstanda prezıdenttik saılaý tórtinshi ret 29 naýryzda ótti. Oǵan tórt kandıdat qatysty: Ózbekstannyń lıberaldy-demokratııalyq partııasy usynǵan qazirgi prezıdent Islam Karımov, Hatamjon Ketmonov (Ózbekstannyń halyqtyq-demokratııalyq partııasy, ÓHDP), Akmal Saıdov ("Mıllıı tıklanısh" ("Ulttyq qaıta órleý") ulttyq-demokratııalyq partııasy) jáne Narımon Ýmarov («Adolat» («Ádilet») sotsıalıstik-demokratııalyq partııasy). Qazirgi prezıdent Islam Karımov 90,39 paıyz daýys jıyp jeńiske jetti. 2007 jylǵy prezıdenttik saılaýda Karımov úshin saılaýshylardyń 88,1 paıyzy daýys bergen.
