Іshki ister organdarynyń myńǵa jýyq qyzmetkeri marapattaldy
Atalǵan vedomstvo baspasóz qyzmeti taratqan aqparatqa sáıkes, sharaǵa mınıstrlik basshylyǵy, ardagerler men jeke quram qatysty.
«Azamattyq beıbit ómir men kelisim qashanda táýelsiz elimizdiń strategııalyq basymdyqtary bolyp qala beredi. Barlyǵymyz da elimizdiń bolashaǵy úshin jáne Konstıtýtsııamyz arqyly belgilengen memleket ómiriniń negizgi qaǵıdalarynyń saqtalýyna jaýaptymyz. Qazaqstan polıtsııasynyń qyzmetkerleri, Ulttyq ulan áskerı qyzmetshileri aldaǵy ýaqytta da quqyqtyq tártipti saqtaý, azamattardyń konstıtýtsııalyq quqyqtary men bostandyqtaryn qorǵaýda ózderiniń qyzmettik jáne áskerı mindetterin adal oryndaı beretinine senim bildiremin», - dedi QR Іshki ister mınıstri Qalmuhanbet Qasymov.
Saltanatty shara barysynda Qazaqstan Respýblıkasynyń Konstıtýtsııasy kúnine oraı respýblıka boıynsha ishki ister organdarynyń 912 qyzmetkeri óz mindetterin adal atqarǵany úshin vedomstvolyq nagradalarmen marapattaldy.
Іs-shara sońynda ІІM Mádenı ortalyǵy kórkemónerpazdary, QR Ulttyq ulan ansambli jáne Astana qalasy ІІD men Mamandandyrylǵan kúzet basqarmasynyń vokaldyq tobynyń qatysýymen kontsert boldy.
