Іshki ister mınıstrligine Ulttyq ulannyń qyzmetin retteıtin birqatar quzyret beriledi

ASTANA. QazAqparat – Úkimet qaýlysymen Іshki ister mınstriligine birqatar qosymsha quzyret berý josparlanyp otyr, dep habarlaıdy QazAqparat tilshisi.

Ashyq NQA portalynda jarııalanǵan qaýlyǵa sáıkes, endi atalǵan vedomstvoǵa myna fýnktsııalar berilmek:

- QR Ulttyq ulanynyń áskerı polıtsııa organdaryna qyzmetke alǵashqy ret kiretin azamattardyń taǵylymdamadan (synaq merziminen) ótý tártibi men sharttaryn bekitedi;

- QR Ulttyq ulany áskerı polıtsııa organdarynyń arnaıy kólik quraldarynyń tizbesin bekitedi;

- QR Ulttyq ulanynyń mehanıkalyq kólik quraldaryn jáne olardyń tirkemelerin memlekettik tirkeý qaǵıdalaryn bekitedi;

- QR Ulttyq ulanynyń áskerı polıtsııa organdarynda tirkelgen mehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizý qaǵıdalaryn bekitedi.

Qujatty ashyq talqylaý 7 sáýirge deıin jalǵasady.

Qosa keteıik, buǵan deıin Saýda jáne ıntegratsııa mınıstrligine áleýmettik mańyzy bar taýarlardyń tizbesin bekitý, al Syrtqy ister mınıstrligine ınvestıtsııa tartý tártibin aıqyndaý quzyreti beriletinin habarlap edik.