Іshki ister mınıstrligi vaınerler isin tergeý nege sozylyp ketkenin túsindirdi

NUR-SULTAN. QazAqparat – «Mudarabah Capital» qarjy prıamıdasyna qatysty iste qatysýshylardyń sany óte kóp. Bul jaıynda QR Іshki ister mınıstrliginen málim etti, dep habarlaıdy QazAqparat tilshisi.

«Tergeýdiń uzaqqa sozylýy óte kóp kólemdegi qarjylyq jáne ózge de qujattardy saraptaý qajettigine, birqatar sot saraptamasyn taǵaıyndaý jáne júrgizýge baılanysty bolyp otyr. Buǵan qosa tergeý júrgizý qajettigi bar protseske qatysýshylar sanynyń kóptigi de áser etedi», - dep atap ótti ІІM baspasóz qyzmeti redaktsııanyń saýalyna bergen jaýabynda.

Sonymen qatar vedomstvo Almaty qalalyq polıtsııa departamenti QR QK 217-babynyń 3-tarmaǵy boıynsha sotqa deıingi tergeý amaldaryn júrgizip jatqanyn málimdedi.

Tergeý aıasynda 14 adam qylmystyq jaýapkershilikke tartylǵan.

Qazirgi ýaqytta onyń 10-y tutqynǵa alynyp, ekeýine kepil jáne eshqaıda ketpeý týraly qolhat túrindegi bultartpaý sharasy qabyldanǵan. Taǵy eki adamǵa halyqaralyq izdeý jarııalanyp otyr. Kúdiktilerge qatysty sharalar Qylmystyq is júrgizý kodeksiniń 139-baby talaptaryn saqtaı otyryp qabyldanǵan.

Tergeý organy azamattyq talap úkiminiń oryndalýyn, ózge múlikterdi óndirip alý nemese múlikti tárkileý múmkindigin qamtamasyz etý maqsatynda kúdiktilerdiń «ASTEX.KZ» jáne «ACD technology» JShS-degi múlkin buǵattady.