Іri qalalarda jeke baspana qurylysyna nege jer berilmeı otyr

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi iri qalalarda jeke baspana qurylysy úshin jer berilmeý sebebin túsindirdi, dep habarlaıdy QazAqparat tilshisi.

«Jer kodeksine sáıkes, ár azamat jeke baspana qurylysy úshin jer telimin alýǵa quqyly. Alaıda, ınfraqurylymy (sý jáne elektr jelileri) ázirlengen daıyn ýchaskelerdiń bolmaýynan bul jumysta qıyndyqtar týyndap otyr. Mysaly Aqtóbede - 137 myń adam, Tarazda - 69,2 myń adam, Kókshetaýda - 13,5 myń adam kezekte tur», - dedi QR Sybaılas jemqorlyqqa qarsy is-qımyl agenttigi Aldyn alý departamentiniń basshysy Anar Jarova baspasóz máslıhatynda.

Respýblıka boıynsha jalpy 1,5 mln adam jer kezeginde tur. Jyl saıyn olardyń 10 myńyna ǵana jer telimi beriledi.

«Nur-Sultan men Almaty qalalarynda jeke baspana qurylysyna jer telimi múldem berilmeıdi, sebebi Bas josparda azamattardy jer telimimen qamtý qarastylymaǵan. Sonymen birge, túrli saıttarda jeke baspana qurysyna saı keletin jer telimin satý týraly habarlamalardy kórýge bolady. ıAǵnı, olar jer telimin ıgere almaı, maqsatty túrde paıdalana almaı otyr», - dep atap ótti Anar Jarova.

Odan bólek, turǵyndardyń ótinishin qaraý boıynsha protsedýralyq qıyndyqtar júıeli túrde anyqtalyp otyrǵan jáne sybaılas jemqorlyqqa jol berilgen.

«Azamattardyń ótinish qaraý merzimi saqtalmaǵan, keı ótinishterdi qaraý 3 aıǵa sozylǵan. Saldarynan jalpy jer telimin alý protsesi orta eseppen 50 jumys kúninde júrgizilgen. Bul da tym uzaq merzim. Mundaı oqıǵalar barlyq óńirde kezdesken, bir ǵana Shymkent qalasynda dál osyndaı 120 oqıǵa anyqtaldy», - dedi departament basshysy.

Aıta keteıik, buǵan deıin Anar Jarova jer qatynastary salasyndaǵy jemqorlyq faktilerdi baıandady.