Yrǵyz aýdany: Nura aýylyndaǵy 112 úıdiń 100-ine sý kirdi

AQTÓBE. KAZINFORM - Yrǵyz aýdanynyń Nura aýylynda 112 úı bolsa, onyń 100-ine sý kirdi.

Yrǵyz aýdanynyń Nura aýylynda 100, Mamyr aýylynda 22, Belsher aýylynda 4 úıdi sý basty.

- Yrǵyz aýdanynyń ákimi Nurlan Qyzbergenov Nura aýyly turǵyndarymen kezdesý ótkizdi. Kezdesý maqsaty – sý tasqynynan zardap shekken turǵyndardyń turǵyn úılerin salý jáne ornyn anyqtaý. Erteń barlyq sala basshylary jáne Nura aýylynyń birneshe turǵyny úı salýǵa arnalǵan jerdi anyqtaý úshin aýylǵa barady, - dep habarlady Aqtóbe oblysy ákiminiń baspasóz qyzmeti.

Aýdanda birjolǵy áleýmettik tólem alý úshin 195 otbasy ótinish tapsyrǵan. Onyń 10-y ǵana tólem alyp úlgerdi. Búgingi kúnge deıin sý tasqynynyń shyǵynyn anyqtaý boıynsha qurylǵan arnaıy komıssııaǵa 143 ótinish tústi.

Eske salsaq, Yrǵaz aýdanynda 8 sáýir kúni tótenshe jpǵdaı jarııalandy. Munda Torǵaı ózeninen sý kelip jatyr.