Irannyń ıadrolyq baǵdarlamasy jónindegi kelissózderdegi Qazaqstannyń róli joǵary - IIR SІM
Irannyń syrtqy saıasat mekemesiniń basshysy Shanhaı yntymaqtastyq uıymynyń sammıtine qatysý úshin Astanaǵa keldi. Iran bul uıymda baqylaýshy memleket mártebesine ıe.
Q.Ábdirahmanov ırandyq áriptesine 7 maýsymda Tegeranda oryn alǵan terrorıstik akti qurbandaryna baılanysty kóńil aıtty. «Mundaı varvarlyq shabýyl terrorızmge qarsy kúreste kúsh-jiger biriktirý qajettigin taǵy bir márte barshamyzdyń qaperimizge saldy», - dep atap ótti qazaq mınıstri.
Syrtqy saıasat mekemeleriniń basshylary 10-11 qyrkúıekte Astanada ótetin Islam yntymaqtastyǵynyń ǵylym jáne tehnologııa jónindegi birinshi sammıtine daıyndyq, sondaı-aq Astana úderisi sheńberindegi sırııa daǵdarysyn retteýge birlesken dıplomatııalyq kúsh-jiger máselelerin qarastyrdy. Kaspıı teńiziniń quqyqtyq mártebesi týraly konventsııa jobasyn ázirleý barysy talqylandy.
M. Djavad Zarıf atap ótkenindeı, Iran Qazaqstanmen ekijaqty, sondaı-aq kópjaqty deńgeılerde kópqyrly áriptestikti nyǵaıtýǵa beıildi. Onyń sózine qaraǵanda, Tegeran Prezıdent Nursultan Nazarbaevtyń ıslam álemindegi bitimgershilik bastamalaryn, sondaı-aq Irannyń ıadrolyq baǵdarlamasy jónindegi kelissózderdegi Qazaqstannyń rólin joǵary baǵalaıdy. Dıplomat Astanany «EKSPO-2017» Halyqaralyq kórmesiniń ashylýymen quttyqtady.
