Irandaǵy jarylystan 46 adam qaza tapty

Búgin Kermandaǵy qalalyq zıratqa aparatyn joldardyń birinde jarylys bolyp, odan kóptegen adam zardap shekti. Bul týraly Kazinform IRNA agenttigine silteme jasap habarlaıdy.

Birinshi jarylys Qasem Súleımanı beıitinen 700 metr jerde, al ekinshisi Kerman zıratynan bir shaqyrym jáne qajylyq jolynan tys jerde boldy. 

Jedel járdem qyzmetkerleri jarylystan zardap shekken 70-ten astam zadamnyń Kermandaǵy aýrýhanalarǵa jetkizilgenin, 46 adamnyń qaıtys bolǵanyn habarlady. 

BAQ ókilderine bergen suhbatynda Kerman gýbernatorynyń qaýipsizdik jónindegi orynbasary joldaǵy eki jarylystyń lańkestik áreket ekenin rastady.