Iranda Turkish Airlines ushaǵy shuǵyl túrde qondy

ASTANA. KAZINFORM — Turkish Airlines ushaǵy Iran provıntsııasynda jolaýshylarǵa medıtsınalyq kómek kórsetý úshin shuǵyl qonýǵa májbúr boldy, dep habarlaıdy Kazinform agenttiginiń menshikti tilshisi. 

Túrik áýe kompanııasynyń Izmırden Tegeranǵa ushyp bara jatqan reısi Irannyń Batys Ázerbaıjan oblysyndaǵy Ýrmııa qalasyna shuǵyl túrde qondy. 

Batys Ázerbaıjan áýejaılaryna arnalǵan basqarmanyń qoǵammen baılanys bólimi bergen aqparat boıynsha, ushaqtyń jerge qonýy eki jolaýshyǵa shuǵyl medıtsınalyq kómek kórsetý qajettiligimen baılanysty bolǵan. 

Osyǵan deıin Tbılısıden Almatyǵa ushqan Air Astana ushaǵy Bakýge shuǵyl qonǵanyn jazǵan edik.