Iranda qulaǵan Ýkraına ushaǵy boıynsha aıyptalǵan 6 adam ustaldy

NUR-SULTAN. QazAqparat – Cot bıliginiń ókili Golamhoseın Esmaılı osy ýaqytqa deıin Ýkraına ushaǵynyń qulaýyna qatysty ustalǵan 6 aıyptalýshynyń úsheýi kepil soma tólep qamaýdan shyqqanyn, taǵy úsheýi qamaýda ekenin málimdedi. Bul týraly IRNA agenttigine silteme jasap QazAqparat habarlaıdy.

«Sot bıligi, atap aıtqanda, qarýly kúshterdiń sot uıymy Ýkraına ushaǵynyń qulaýyna qatysty iske jaýapty. Oqıǵa oryn alǵan soń birden buıryqtar shyǵarylyp, Qarýly kúshter Sot uıymynyń arnaıy tarmaǵy taǵaıyndaldy», - dedi ol.

Sársenbi, 8 qańtar kúni, Tegeran astynda Ýkraına áýe kompanııasynyń Boeing 737 ushaǵy apatqa ushyrady. Áýe kemesinde 176 jolaýshy men ekıpajdyń toǵyz múshesi bolǵan.

Tyńshyǵa ólim jazasyn taǵaıyndaý máselesine qatysty suraqqa sot bıliginiń ókili: «Mahmud Mýsavı Madjd Mossadpen baılanysta bolyp, sondaı-aq Ortalyq barlaý basqarmasyna ásirese qarýly kúshterdegi qaýipsizdik máseleleri jaıynda aqparat berip otyrǵan», - dep málimdedi.

«Ol sheteldikterge general Kassem Sýleımanıdiń júrgen jeri týraly aqparat bergen, sot sheshimimen ólim jazasyna kesildi. Jaqynda Joǵarǵy sottyń ekinshi bólimi ólim jazasyna kesý úkimin maquldady. Úkim aldaǵy ýaqytta oryndalady», - dep atap ótti ol.

Eske sala keteıik, bıylǵy 8 qańtarda Tegeran ýaqytymen 6:00-de Imam Homeını atyndaǵy áýejaıdan Tegeran-Kıev baǵytymen ushyp shyqqan «Ýkraına halyqaralyq áýe jelileri» áýe kompanııasynyń Boeing-737 ushaǵy apatqa ushyrady.

Ushaq bortynda 177 adam bolǵan: 168 jolaýshy men 9 ekıpaj múshesi. Onyń ishinde Irannyń – 82, Kanadanyń - 63, Ýkraınanyń - 2 + 9 (ekıpaj), Shvetsııanyń – 10, Aýǵanstannyń – 4, GFR-dyń – 3, Ulybrıtanııanyń 3 azamaty boldy. Olardyń barlyǵy qaza tapty.

Ushaq apatyna baılanysty jaýapkershilikti Irannyń áskerı-saıası qurylymy - «Islam revolıýtsııalyq ulandar korpýsy» óz moınyna aldy.