Iranda ınternet qyzmeti toqtady

ASTANA. KAZINFORM — NetBlocks Halyqaralyq ınternet monıtorıngi qyzmeti Iranda ınternet derlik tolyq óshirilgenin habarlady.

Qyzmettiń naqty ýaqyttaǵy jeli jumysy týraly málimetteri boıynsha, qazirgi tańda Iranda el kóleminde ınternettiń derlik tolyq óshirilýi baıqalady.

Bul jaǵdaı aldyńǵy jartylaı úzilisterdiń serııasynan keıin oryn alyp, birneshe kúndik ózara zymyrandyq soqqylardan keıin Izraılmen áskerı shıelenistiń órshýi tusynda boldy.

Buǵan deıin habarlanǵandaı, Irannyń jetekshi memlekettik bankteriniń birine aýqymdy kıbershabýyl jasaldy. Sonyń saldarynan klıentterge qyzmet kórsetý jumysy aqsap, bank júıesine kirý múmkin bolmaı qaldy.

Sondaı-aq, G7 elderiniń kóshbasshylary dúısenbi kúni birlesken málimdeme jasap, onda Irannyń ıadrolyq qarýy bolmaýy kerek dep málimdep, Izraıldiń ózin-ózi qorǵaý quqyǵyn rastady.

Óz kezeginde Aıatolla Hameneı Irannyń tańylǵan soǵysqa da, tańylǵan beıbitshilikke de kónbeıtinin aıtty.

Búgin Reseı Izraıl men Iranǵa araǵaıyndyq jasaýǵa daıyn ekeni belgili boldy.