Iranda Aıatolla Hameneıdiń qazasy rastaldy: elde aza tutý jarııalandy

ASTANA. KAZINFORM — Irannyń memlekettik aqparat agenttigi IRNA eldiń Joǵarǵy kóshbasshysy aıatolla Álı Hameneı qaza tapqanyn habarlady.

— Islam revolıýtsııasynyń Uly jetekshisi, mártebeli aıatolla Hameneı senbi, 28 aqpan kúni tańerteń jasalǵan shabýyl saldarynan sheıit boldy, — delingen memlekettik BAQ taratqan habarlamada.

Iran úkimeti aıatolla Hameneı qaıtys bolýyna baılanysty elde 40 kúndik jalpyulttyq aza jarııalap, jeti kúndi memlekettik demalys kúni dep belgiledi.

Buǵan deıin AQSh prezıdenti Donald Tramp Truth Social áleýmettik jelisindegi paraqshasynda Irannyń Joǵarǵy kóshbasshysy Álı Hameneı qaza tapqanyn málimdegen edi.

Oǵan deıin de Izraıl sheneýnikterine silteme jasaı otyryp, Irannyń Joǵarǵy kóshbasshysy joıylǵany týraly aqparattar taraǵan bolatyn.

Senbi kúngi Iranǵa jasalǵan shabýyldar saldarynan 201 adam qaza tapqany habarlandy.