Iranda Alı Hameneıdiń qaza bolýynan keıin bılikti tapsyrý rásimi bastaldy
ASTANA. KAZINFORM — Bul ótpeli mehanızm Islam Respýblıkasy Konstıtýtsııasynyń 111-babynda qarastyrylǵan jáne jańa joǵarǵy basshy saılanǵanǵa deıin kúshine enedi, dep jazdy Kazinform agenttiginiń óz tilshisi.
Iran Ulttyq qaýipsizdik keńesiniń hatshysy Alı Larıdjanı jeksenbi kúni aıatolla Alı Hameneıdiń qaza bolýynan keıin elde bılikti tapsyrý protsesi bastalǵanyn málimdedi. Onyń sózinshe, búgin ýaqytsha basshylyq keńesi qurylady.
— Jaqynda ýaqytsha basqarý keńesi qurylatyn bolady. Prezıdent, sot bıliginiń basshysy jáne Qorǵaýshylar keńesinen dinı zańger kelesi basshy saılanǵanǵa deıin jaýapkershilikti óz moınyna alady, — dedi Larıdjanı memlekettik telearnaǵa bergen suhbatynda.
— Biz ony búgin-aq qalyptastyrýǵa kiristik, — dep qosty ol.
People of Iran in different cities took to the streets early in the morning on February 29, 2026, to mourn the martyrdom of Leader of the Islamic Revolution in an attack by the US an Israeli regimes on Saturday.https://t.co/bGGZP352Ym pic.twitter.com/gg8IJyYDOU
— IRNA News Agency ☫ (@IrnaEnglish) March 1, 2026
Iran Konstıtýtsııasynyń 111-babyna sáıkes, joǵarǵy basshy qaıtys bolǵan jaǵdaıda onyń ókilettigi ýaqytsha kollegııalyq organǵa ótedi. Bul organ quramyna qazirgi prezıdent Masýd Pezeshkıan, sot bıliginiń basshysy Golıam-Hoseın Mohsenı-Edjeı jáne Qorǵaýshylar keńesinen rýhanı ókil kiredi.
Ýaqytsha keńes jańa basshy saılanǵanǵa deıin joǵarǵy basshynyń qyzmetin atqarady. Zań boıynsha, Sarapshylar keńesi bul saılaýdy «múmkindiginshe tez» ótkizýge mindetti.
Parlament spıkeri Mohammad Bager Galıbaf bıliktiń «barlyq stsenarıılerge», sonyń ishinde Hameneıdiń ólimine daıyn ekenin aıtty.
— Biz osy sátterge daıyndalyp, barlyq yqtımal nusqalardy qarastyrdyq. AQSh prezıdenti Donald Tramp pen Izraıl premer-mınıstri Netanıahý bizdiń qyzyl syzyqtarymyzdy buzyp, saldary bolady, — dedi ol memlekettik telearnadan tikeleı efırde.
Ýaqytsha basqarý organy qurylǵan kezde óńirdegi shıelenis áli de jalǵasyp otyr.
Eske salaıyq, buǵan deıin Iran resmı túrde Alı Hameneıdiń qazasyn rastap, eldi 40 kún boıy aza tutý jarııalandy.