Iran «Qased» zymyranyn synaqtan ótkizdi

ASTANA. KAZINFORM – Iran Islam Respýblıkasy Jerdiń orbıtasyna jasandy spýtnıkterdi shyǵarý maqsatynda «Qased» zymyrany arqyly sýborbıtalyq synaqtardy sátti oryndady, dep habarlaıdy uza.uz aqparat agenttigi. 

– Dúısenbi kúni tańerteń Irannyń ǵarysh ónerkásibi kompanııalary daıyndaǵan «Qased» zymyrany kómegimen sýborbıtalyq synaqtar ótkizildi, - delingen Tasnim aqparat agenttiginiń taratqan habarynda.

Málimetke sáıkes, bul synaq nátıjeleri eldiń jasandy serikteri men ózge de ǵarysh apparattaryn Jer orbıtasyna shyǵarý tıimdiligin arttyrýǵa baǵyttalǵan.

Eske salsaq, osyǵan deıin Úndistan qysqa qashyqtyqqa arnalǵan eki ballıstıkalyq zymyran – Prithvi-II jáne Agni-I-diń synaqtyq ushyrý operatsııalaryn sátti júzege asyrǵanyn jazǵan edik.