Iran Ormýz buǵazyn jaýyp tastaýy múmkin
ASTANA. KAZINFORM – Iran parlamenti Ormýz buǵazyn jabýdy usyndy, dep habarlaıdy Anadoly.
Iran parlamentiniń Ulttyq qaýipsizdik jáne syrtqy saıasat jónindegi komıssııasynyń múshesi Ismaıl Kevserı «H» áleýmettik jelisindegi jazbasynda Iran parlamenti Ormýz buǵazyn jabýdy qoldaıtynyn málimdedi.
Onyń aıtýynsha, túpkilikti sheshimdi eldiń Joǵary ulttyq qaýipsizdik keńesi qabyldaýy tıis.
Bul málimdeme 22 maýsymda AQSh Isfahan, Natanz jáne Fordo qalalaryndaǵy Irannyń úsh iri ıadrolyq nysanyna aýqymdy soqqy jasaǵannan keıin aıtyldy.
Vashıngton bul operatsııanyń maqsaty — Tegerannyń ıadrolyq baǵdarlamasyn «joıý nemese edáýir álsiretý» bolǵanyn habarlady. Iran qatań jaýap qaıtarýǵa ýáde berdi.
Ormýz buǵazy arqyly tek Iran ǵana emes, Saýd Arabııasy, Irak, Birikken Arab Ámirlikteri, Kýveıt pen Katar da munaı eksporttaıdy. Bul álemdegi teńiz arqyly tasymaldanatyn munaıdyń shamamen 20%-yn quraıdy.
Eske salaıyq, AQSh Irannyń ıadrolyq nysandaryna soqqy jasaǵan bolatyn. Donald Tramp bul operatsııany sátti dep baǵalady.