Iran munaıdan basqa taýaryn eksporttaıtyn jeti eldi atady
ASTANA. KAZINFORM - Irannyń sońǵy eki aıdaǵy (sáýir jáne mamyr) munaıdan basqa eksporty sanktsııalarǵa qaramastan 8 mıllıard 241 mıllıon dollarǵa jetti, dep habarlaıdy ParsToday aqparat agenttigi.
«Irannyń munaıdan basqa eksporty ótken eki aıda (sáýir jáne mamyr) 24 mıllıon 622 myń tonnaǵa jetip, 8 mıllıard 241 mıllıon dollardy qurady»,- dep málimdedi Iran Kedeniniń basshysy Forýd Asgarı.
Onyń aıtýynsha, Qytaı 2 mıllıard 425 mıllıon dollar, Irak 1 mıllıard 500 mıllıon dollar, BAÁ 1 mıllıard 940 mıllıon dollar, Túrkııa 673 mıllıon dollar, Aýǵanstan 374 mıllıon dollar, Pákistan 322 mıllıon dollar jáne Oman 305 mıllıon dollardyń saýdasyn jasaǵan. Bul Irannyń sońǵy eki aıda munaıdan basqa eksportyn júzege asyratyn jeti negizgi baǵyt boldy.
Aıta keteıik, Dúnıejúzilik banktiń 2024 jylǵy esebine sáıkes, aımaqtaǵy geosaıası shıelenisterge qaramastan Iran sońǵy úsh jylda bes paıyzdan astam ekonomıkalyq ósýdi tirkedi jáne osy kezeńde jumyssyzdyq deńgeıi 7,4 paıyzǵa deıin tómendedi.
Eske sala keteıik, buǵan deıin Iran qamaýda bolǵan frantsýz azamatyn bosatqany týraly jazǵan bolatynbyz.