Iran qalalaryna birneshe reıs toqtatyldy
ASTANA.KAZINFORM — Irandaǵy ishki jaǵdaıdyń ózgerýi halyqaralyq kólik baǵyttary men aımaqtyq logıstıkaǵa áser ete bastady, dep habarlaıdy Kazinform agenttiginiń menshikti tilshisi.
Juma kúni birneshe áýe kompanııasy eldegi jappaı narazylyq aktsııalary jalǵasyp jatqandyqtan, Tegeranǵa jáne Irannyń basqa da qalalaryna reısterdi toqtatty. Ystanbul áýejaıynyń qosymshasyna sáıkes, Turkish Airlines sol kúni Iran astanasyna josparlanǵan bes reısti toqtatty.
Sol derekkózdiń málimeti boıynsha, ırandyq tasymaldaýshylar oryndaıtyn bes reıs te toqtatyldy, al jeti reıs keste boıynsha qaldy.
At least six flights between #Dubai and several Iranian cities including Tehran, Shiraz and Mashhad scheduled have been canceled, the Dubai Airports website shows.https://t.co/iWpYZnEjSd
— Al Arabiya English (@AlArabiya_Eng) January 9, 2026
Túrkııa bıligi Irandaǵy jaǵdaıǵa qatysty eshqandaı resmı túsinik bergen joq.
Alaıda, FlightRadar málimeti boıynsha, Turkish Airlines kompanııasynyń Shırazǵa ushatyn reısi jáne Pegasus kompanııasynyń Meshhedke ushatyn reısi bir kún buryn keri burylyp, Iran áýe keńistigine kirmegen. Túrkııa Iranmen shamamen 500 shaqyrymdyq qurlyq shekarasyn bólisedi, úsh shekara ótkeli jumys isteıdi.
Reısterdiń toqtatylýy Parsy shyǵanaǵy aımaǵyna da áser etti.
Reuters agenttiginiń Dýbaı áýejaılarynyń veb-saıtyna silteme jasap habarlaýynsha, juma kúni Dýbaı men Iran qalalary, sonyń ishinde Tegeran, Shıraz jáne Meshhed arasynda josparlanǵan kem degende 17 flydubai reısi toqtatyldy. flydubai ókili Reuters agenttigine Iranǵa reıster sol kúni toqtatylǵanyn jáne áýe kompanııasy jaǵdaıdy baqylaýdy jalǵastyryp, kestesin túzetetinin, biraq úzilisterdiń sebebin aıtpaıtynyn aıtty.
Buǵan deıin NetBlocks Iran 12 saǵat boıy ınternetsiz qalǵanyn jarııalady.