Iran Izraılge qarymta jaýap retinde birneshe zymyran jiberdi
ASTANA. KAZINFORM — Iran Izraıldiń soltústik jáne ortalyq aımaqtaryna, sondaı-aq Ierýsalımge zymyrandar ushyryp, birneshe óńirde áýe dabyly iske qosyldy. Halyqqa qaýipsiz oryndarǵa tez arada baspanaǵa barý tapsyryldy, dep habarlaıdy Kazinform tilshisi.
Iran birneshe ballıstıkalyq zymyrandy Izraıldiń soltústik jáne ortalyq aımaqtaryna, sondaı-aq Ierýsalımge baǵyttady. Áýe dabyldary Tel-Avıvte, soltústik qalalarda jáne astana aımaǵynda estildi, dep habarlaıdy The Times of Israel. Izraıl armııasy Irannan zymyrandardyń ushyrylǵanyn jáne olardy áýe qorǵanys júıelerimen túsirý áreketterin anyqtaǵanyn habarlady. Áskerı derekter boıynsha, Izraıldiń Áýe kúshteri qaýipterdi neıtralızatsııalaý jáne shabýyl kózderine qajet bolǵan jaǵdaıda soqqy jasaý úshin paıdalanylǵan.
Azamattardan qaýipsiz bólmelerge, bombaǵa qarsy baspanalarǵa jáne basqa da qorǵalatyn oryndarǵa tez arada barýdy ótindi. Jedel habarlama júıesi arqyly aqparat taraldy. Izraıldiń «Magen Davıd Adom» jedel járdem qyzmeti qazirgi ýaqytta zardap shekkender týraly aqparat almaǵanyn habarlady. Aldyn ala málimetter boıynsha, eki zymyran soltústik Izraılge baǵyttaldy, olardyń biri ashyq aýmaqqa qulaǵany aıtylýda. Keıinirek taǵy bir zymyran ushyrylǵany tirkeldi.
Kúni boıy Tel-Avıvte jáne eldiń ortalyq qalalarynda dabyldar qaıtadan soǵyldy. Qorǵanys derekkózderi, ortalyq Izraılge baǵyttalǵan zymyrandardyń biri PVO júıelerimen toqtatylǵanyn aıtty. Soltústik aımaqtarda jańa dabyldar tirkeldi.
Eskalatsııanyń fonynda Izraıldiń Densaýlyq saqtaý mınıstrligi aýrýhanalardy maksımaldy daıyndyq deńgeıine kóshirdi. Medıtsınalyq mekemelerge jumysyn qorǵalǵan oryndarǵa kóshirý, josparly protsedýralardy toqtatý jáne shuǵyl kómek kórsetýge nazar aýdarý tapsyryldy. Statsıonarlyq emdeýge qajettiligi joq naýqastar úıine jiberilgen.
Buryn Izraıl senbi kúni Iranǵa qarsy «Lvınyı ryk» operatsııasyn bastaǵanyn habarlaǵan bolatyn. Izraıl armııasynyń ókili el birneshe kúndik qarsylasýǵa daıyn ekenin málimdedi.
Qazirgi ýaqytta Izraıl azamattyq reısterge óz áýe keńistigin jabyp tastady. Kólik mınıstrligi azamattardy áýejaılarǵa kelmeýge shaqyrdy.
Shabýyldyń bastalǵannan keıin Irannyń áýe keńistigi 6 saǵatqa jabyldy. Izraıl de óz áýe keńistigin japty.
The Wall Street Journal gazetiniń málimetinshe, AQSh pen Izraıl birneshe kún boıy Iranǵa soqqy jasaýdy josparlap otyr. Amerıkalyq ákimshiliktiń aıtýynsha, AQSh Irannyń áskerı maqsattaryna soqqy berip jatyr.
Irannyń Islam revolıýtsııasy saqshylary korpýsy Izraılge qarsy «keshendi zymyrandar men ushqyshsyz ushaqtardyń alǵashqy shabýyldaryn» bastaý týraly jarııalady.
Jarııalanǵan málimdemede shabýyldardyń «Iran Islam Respýblıkasyna qarsy jaýlasýshy jáne qylmystyq dushpannyń agressııasyna» jaýap retinde jasalyp jatqany aıtylǵan.
Eske sala keteıik, Izraıl búgin Tegeranǵa «preventıvtik soqqy» jasady. Bul týraly Izraıldiń Qorǵanys mınıstri Israel Kats málimdedi.
Osy jaǵdaıǵa baılanysty áýe keńistigi jabylǵannan keıin ushaqtar Irandy aınalyp ótýge májbúr boldy.
Taıaý Shyǵystaǵy jaǵdaıǵa baılanysty Almaty men Astanadan ushyp shyqqan ushaqtar keri oralatyny belgili boldy.