Iran áskerı kúshteri zymyran qoryn kóbeıtkenin málimdedi
ASTANA. KAZINFORM – Iran kúshtik qurylymdary AQSh-tyń el ishindegi jaǵdaıǵa yqtımal aralasýyna qatysty shıelenistiń artýyna baılanysty jaýyngerlik daıyndyqtyń kúsheıtilgenin málimdedi, dep habarlaıdy Kazinform menshikti tilshisi.
Irannyń zymyran qory ótken jyly Izraılmen bolǵan 12 kúndik qaqtyǵystan beri artty. Bul týraly sársenbi kúni Islam revolıýtsııasy saqshylar korpýsy (IRSK) aeroǵarysh kúshteriniń qolbasshysy Madjıd Mýsavı málimdedi, dep habarlady ırandyq Fars News agenttigi.
- Biz daıyndyǵymyzdyń joǵary shyńyndamyz, - dep málimdedi Mýsavı.
Following nationwide pro-government demonstrations on Monday, Chief of staff of the Iranian Armed Forces Major General Abdolrahim Mousavi reaffirmed that the country will defend its independence and security without compromise.
— Mehr News Agency (@MehrnewsCom) January 13, 2026
🔗 https://t.co/owLgu7y5XM pic.twitter.com/msufP3azpO
Irandyq generaldyń aıtýynsha, ótken jyly áskerı is-qımyldar kezinde bolǵan zalal qalpyna keltirildi, al IRSK aeroǵarysh kúshteriniń ártúrli bólimshelerindegi óndiris kólemi 2025 jyldyń maýsymyna deıin tirkelgen deńgeıden asyp tústi.
IRSK ókiliniń málimdemeleri AQSh prezıdenti Donald Tramptyń úkimetke qarsy narazylyq aktsııalaryna baılanysty Irandaǵy jaǵdaıǵa aralasý yqtımaldyǵy týraly qorqytýy aıasynda jasaldy. Tegeran buǵan deıin AQSh tarapynan shabýyl jasalǵan jaǵdaıda aımaqtaǵy amerıkalyq áskerı nysandar kek alý shabýyldarynyń nysanasy bolyp qarastyrylatynyn eskertken bolatyn.
Seısenbide Tramp óz úndeýinde Irandaǵy narazylyq bildirýshilerdi mekemelerdi basyp alýǵa shaqyrdy.