Irak túrikmenderi ózderine laýazymdy qyzmetter berilmeıtinin aıtyp, narazylyqqa shyqty

ASTANA. KAZINFORM — Iraktyń Kırkýk qalasynyń Altýnkýprý aýdanynda turatyn túrikmender jergilikti úkimetten oryn bólinbegenine narazylyq bildirýde, dep habarlaıdy Anadolý.

Kırkýk aımaqtyq keńesindegi Irak túrikmen maıdanynyń múshesi Ahmed Remzı Kýprýlý baspasózge túrikmender turatyn barlyq aımaqtarda, ásirese Altýnkýprýde ózderine ádiletsizdik jasalyp jatqanyn aıtty.

Narazylyq aktsııasy Altynkýprý sheıitteri eskertkishiniń aldyna shatyr tigilýmen bastalǵan. Kýprýlý narazylyq aktsııasy aımaqtaǵy qalalyq bıýrokratııamen ǵana shektelmeıtinin aıtty.
Onyń sózinshe, narazylyq sharasy jalǵasady.

Jergilikti túrkimender kóp jyldar boıy birlesken ákimshilik qurýdy talap etip keledi, endi ony júzege asyrý kerek.

Taǵy bir narazylyq bildirýshi Muhammed Kýprýlý aty túrikshe bolǵan Altýnkýprý shaǵyn aýdanynda túrikmenderdiń eshqandaı ákimshilik quqyqtary joq ekenin basa aıtty.

Ol kóp jyldar boıy túrikmenderge mýnıtsıpaldyq, aýdandyq, polıtsııa bastyǵy laýazymdary berilmeıtinin atap ótti. Túrikmender óz elinde ózderin bóten adamdaı sezine bastady.

Kýprýlý túrikmender turatyn Altýnkýprý aýdanynda ádilet basqarmasyn qurýdy talap etti.

Eske sala keteıik, Bezos pen Sanchestiń úılený toıynyń sońǵy kúni narazylyq aktsııalaryna ulasqany jaıly jazǵan edik.