Investıtsııalyq jáne bıznes ahýaldy jaqsartý úshin jumys júrgizemiz - Tımýr Súleımenov

ASTANA. QazAqparat - QR Ulttyq ekonomıka mınıstrligi janynan Investıtsııalyq shtab quryldy. Bul týraly búgin Úkimettiń selektorlyq rejimdegi otyrysynda QR Ulttyq ekonomıka mınıstri Tımýr Súleımenov amálim etti, dep habarlaıdy QazAqparat tilshisi.

Onyń atap ótýinshe, taıaýda ótken Úkimettiń keńeıtilgen quramdaǵy otyrysynda Memleket basshysy ınvestıtsııalardy tartýdyń keshendi ekojúıesin qurý mindetin qoıǵan.

"Mınıstrlikke berilgen ókilettikterdiń aıasynda biz ınvestıtsııalardy tartý boıynsha tıimdi memlekettik saıasatty qalyptastyrýǵa kúsh jumyldyramyz. Syrtqy ister mınıstrligimen birlesip, ınvestıtsııalyq jáne bıznes ahýaldy odan ári jaqsartý boıynsha jumys júrgiziletin bolady", - dedi ol.

T.Súleımenov óz buıryǵymen Ulttyq ekonomıka mınıstrliginiń janynda turaqty jumys isteıtin Investıtsııalyq shtab qurylǵanyn atap ótti. Onyń mindetteri - ınvestıtsııalyq zańnamany, ınstıtýtsıonaldyq ortany jáne tutastaı alǵanda klımatty jaqsartý boıynsha praktıkalyq usynystar ázirleý.

"Osy buıryqtyń aıasynda basty nazar sheteldik ınvestıtsııalarǵa ǵana emes, otandyq ınvestıtsııalarǵa da baǵdarlanatyn bolady", - dedi mınıstr.