Investıtsııalyq forým: Aqtóbede birneshe zaýyt salynady

AQTÓBE. QazAqparat -Aqtóbede qoqys óńdeý, aýyl sharýashylyǵy tehnıkasyn, munaı-gaz óndirýge qajetti qosalqy bólshekterin shyǵaratyn zaýyttar salynady.

Investıtsııalyq forýmda quny 300 mıllıard teńge bolatyn 9 memorandýmǵa qol qoıyldy, dep habarlaıdy QazAqparat tilshisi.

Aqtóbede ınvestıtsııalyq forým ótip, álemniń 23 elinen 400-den astam adam qatysty. 

Forým aıasynda 9 memorandýmǵa qol qoıyldy. Taıaýda Aqtóbe qalasynda qoqys óńdeý zaýyty salynady. «Kazakhstan BAB Investment Group Co. LTD» JShS-i bul jumystarǵa 185 mıllıard teńge salýǵa ázir. Al Belorýssııanyń «Lıdselmash» kompanııasy aýyl sharýashylyǵy salasyna qajetti tehnıka shyǵaratyn zaýyt qurylysyn bastaıdy. Fınlıandııanyń «Uros Group» kompanııasy turǵyn úı-kommýnaldyq sharýashylyǵy salasyna ІT tehnologııany engizedi.

Aıta keteıik, Bashqurtstannyń «Ýfaneftegazmash» kompanııasy munaı-gaz salasyna qajetti qural-jabdyq shyǵarýdy qolǵa almaq. Al «Aqtóbe mys kompanııasy» JShS-i Avangard mys-myrysh ken ornyn ıgerýdi bastaıdy. Benqala men Ońtústik Benqala ken ornyndaǵy katodty mysty «SM Minerals» kompanııasy óndiredi.

«Qazirgi kezde Aqtóbede Túrkııa, Qytaı, Germanııa, Nıderlandy, Reseı men ózge elderdiń ınvestorlardy jumys istep jatyr. Alǵashqy ınvestıtsııalyq forýmnan soń óńir ekonoıkasy 23 paıyzǵa artty. Jospar boıynsha aldaǵy 5 jylda óndiristegi qural-jabdyq jańǵyrtylyp, 600 mıllıard teńge jumsalady»,- dedi oblys ákimi Berdibek Saparbaev.

Aıta keteıik, forýmǵa Qazaqstandaǵy Italııa elshisi Paskýale De Avıno qatysyp, eki el kásipkerleri arasyndaǵy baılanysty nyǵaıtýǵa ýáde etti.