Internettegi alaıaqtyq qylmystardyń besten biri ǵana ashylady – Prezıdent

ASTANA.KAZINFORM - Prezıdent Bas prokýratýrada jıynynda azamattardyń derbes derekterin qorǵaý qajet ekenin aıtty. Bul týraly Aqorda habarlady.

- Aqparattyq keńistikte azamattardyń derbes derekteri jarııalanyp ketkeni týraly habar jıi shyǵyp jatady. Derbes derekterdi barynsha qorǵaý úshin bul jumyspen júıeli túrde aınalysý kerek, - dedi Memleket basshysy.

Qasym-Jomart Toqaev kıberqylmyspen kúres tásilderin túbegeıli qaıta qaraý qajet ekenin atap ótti.

- Álemde kıberqylmys órship barady. Jyl saıyn myńdaǵan azamatymyz sonyń qurbany bolyp jatyr. Qazir ınternettegi alaıaqtyq qylmystardyń besten biri ǵana ashylady. Bul – óte tómen kórsetkish. Kıberqylmyspen kúres tásilderin túbegeıli qaıta qaraý qajet. Tsıfrlyq qaterge tótep berý úshin quqyq qorǵaý organdary bir qadam alda júrýge tıis. Ozyq oılap, artta qalmaýdyń amalyn tabý qajet, - dedi Prezıdent.

Memleket basshysy elimizde aýqymdy ózgerister jasalyp jatqanyn jáne aldymyzda Konstıtýtsııalyq reforma júrgizý, múlde jańa saıası júıege qadam basý mindeti turǵanyn aıtty.