Internet ornatý: Aqtóbeniń shalǵaı aýyldarynda statsıonarlyq baılanys jelileri salynady
Memleket basshysy Qasym-Jomart Toqaevtyń aýyldy sapaly ınternetpen jáne baılanyspen qamtamasyz etý týraly tapsyrmasyn oryndaý máseleleri boıynsha keńes ótti. Búginde oblystaǵy 315 eldimekenniń 216-synda 250-den astam adam turady. Sol 216 aýyldyń tek 174-i ǵana 3G ınternet jelisine keń jolaqty kabelmen qosylǵan.
Jyl sońyna deıin taǵy 16 eldimeken sapaly mobıldi ınternetpen qamtamasyz etiledi. Eraly Toǵjanov jumystyń ýaqtyly oryndalýyn qatań qadaǵalaýdy tapsyrdy. Qazirgi kezde 250-den asa halqy bar 10 aýyl ınternetke spýtnıktik baılanys arnasy arqyly qosylǵan. Onyń qýaty 3G-ge jetpeıdi.
Taǵy 16 aýylda ınternet pen uıaly baılanys joq. Alaıda olardyń keıbiri kórshi eldimekenderdiń sıgnalyn ustaıdy.
Budan ózge, óńirde halqynyń sany 250-ge jetpeıtin 99 aýyl bar. Sonyń 24 aýylynda 3G uıaly baılanys qyzmeti qoljetimdi. Qazirgi kezde sapaly ınternetpen jáne uıaly baılanyspen qamtamasyz etý úshin joba ázirlenip jatyr.
Іri baılanys operatorlary keń jolaqty ınternetke qoljetimdilikti qamtamasyz etý úshin statsıonarlyq baılanys jelilerin salýǵa kepildik beredi. Infraqurylymnyń arqasynda aýyldarda joǵary sapaly uıaly baılanys ornaıdy.
Tsıfrlyq tehnologııalar basqarmasynyń basshysy Áset Otarbaev atalǵan joba óńirdegi barlyq ózekti máselelerdi sheshýge múmkindik beretinin jáne ony júzege asyrý úshin jergilikti bıýdjetten qosymsha qarjy qajet emes ekenin aıtty. Oblys ákimi jobaǵa oń baǵasyn berip, ony júzege asyrýda jergilikti atqarýshy organdar tarapynan barlyq qajetti qoldaý kórsetiletinin atap ótti. Osy joba aıasynda aýyldyq jerlerdegi shaǵyn jınaqty mektepterdegi bilim sapasyndaǵy másele sheshimin tabady.
«Shaǵyn jınaqtalǵan mektepterde bilikti kadrlardyń tapshylyǵy, materıaldyq-tehnıkalyq bazasynyń tómendigi belgili. Al mundaı mektepterde búginde 14 myń bala bilim alyp júr. Máseleni sheshý úshin qazir «Bilim al» jobasy ázirlenip jatyr. Atalǵan joba aıasynda óńirdiń eń myqty pedagogteri shaǵyn jınaqtalǵan mektepterdiń balalaryn onlaın rejımde oqytady. Aýyldyq jerlerde ınternet durystalmaı, bilim berý jáne densaýlyq saqtaý máseleleri sheshilmeıdi. Sapaly, turaqty ınternet baılanysy aýyl turǵyndarynyń, ásirese shalǵaı jatqan aýyl halqynyń telemedıtsına arqyly sapaly medıtsınalyq qyzmetterdi alýyna múmkindik beredi. Osyny eskere otyryp, jobany iske asyrýda úlken jaýapkershilikpen qaraýlaryńyzdy suraımyn. Bastysy nıet bolýy kerek, sonda barlyq másele sheshimin tabady», — dedi oblys ákimi Eraly Toǵjanov baılanys operatorlary ókilderine.
