Internet arqyly esirtki satýmen baılanysty 77 qylmystyq is qozǵaldy

NUR-SULTAN. QazAqparat – Jyl basynan beri aqparat resýrstary arqyly esirtki satý faktisi boıynsha 77 qylmystyq is qozǵalǵan, dep habarlaıdy QazAqparat tilshisi.

Bul týraly Іshki ister mınıstrliginiń aqparat alańynda ótken brıfıngte Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev aıtty.

«Byltyrǵy 10 qańtarda zańnamaǵa esirtki qylmysy boıynsha elektrondy-kommýnıkatsııalyq júıeni paıdalana otyryp áreket etý sanaty engizildi. Qylmystyń bul quramy esirtki satý, esirtki ázirleýge qajet ónimderdiń aınalymyn uıymdastyrý, esirtkige táýeldi etý baptaryna da engizildi. Bul qylmystar «aýyr» jáne «asa aýyr» sanatqa jatqyzyldy», - dedi ІІM ókili.

Onyń aıtýynsha, atalmysh qylmystardyń jazasy da uzaq merzimderdi kózdeıdi.

«Jyl basynan aqparat resýrstaryn qoldaný arqyly esirtki satýdyń 77 faktisiniń joly kesildi. Sondaı-aq, qylmystyq kodekske zańsyz jaraman ornatý boıynsha jańa bap engizildi. Bul qylmys úshin 3-ten 6 jylǵa deıin bas bostandyǵynan aıyrý jazasy kódelgen. Osyndaı qylmys boıynsha qazirdiń ózinde 90 qylmystyq is óndiriste jatyr», - dedi Berikhan Nurǵalıev.