Internet- alaıaqtyń qurbany bolmas úshin ne isteý kerek
«Internet qoldanýshylary ózine qajetti taýardy ǵalamtordan izdep otyryp, qalaǵan zatyn arzan baǵada kórip qalýy múmkin. Al biraq, qarapaıym adamdardyń kóbi atalǵan habarlandyrýdyń qaqpan ekenin seze bermeıdi. Ózara jazba almasý kezinde satyp alýshy men satýshy ortaq baǵaǵa kelisip, tólem júrgizý ádisin aqyldasyp alady. Kóp jaǵdaıda kelisilgen soma tolyǵymen QIWI-ámııan arqyly aýdarylady. Soma qolyna tıgennen keıin satýshy izim-qaıym joq bolyp, akkaýntyn joıyp jiberedi», - deıdi ІІD-niń qylmystyq polıtsııa basqarmasynyń bólim bastyǵy Talǵan Bólegenov.
QIWI-ámııandy tirkeý úshin eshqandaı qujat kerek bolmaǵandyqtan, alaıaqtardyń tasy órge domalap tur. Bul jaǵdaı tártip saqshylarynyń jumysyna qıynshylyqtar týǵyzady.
2017 jyly Astana polıtsııasyna ınternet-alaıaqtyq áreketteri boıynsha 500 shaǵym kelip túsken. Alaıaqtardyń birshamasy Qazaqstannyń basqa qalalarynan nemese Reseıden, bolmasa basqa da kórshiles elderden ekeni belgili bolyp otyr.
Máselen, Astana qalasynyń 26 jastaǵy turǵyny belgisiz bireýler dál osyndaı jolmen 35 200 teńgesin qoldy etkenin aıtyp aryzdanǵan. Tapsyrys berýshi QIWI-ámııan arqyly aqshasyn tólep qoıyp, taýaryn úıinde kútip otyrǵan. Alaıda taýar ýáde berilgenimen sol kúıi jetkizilmepti. Aldanǵannan keıin ǵana álgi adam ondaı ınternet-dúkenniń múlde joq ekenin bilgen.
ІІD ókili, ınternet-alaıaqtardyń qurbany bolmaý úshin quqyq qorǵaýshylar áleýmettik jelidegi kúdikti kelisimderden bas tartyp, aldyn ala aqy tóleýge asyqpaýǵa shaqyrady.