Internet alaıaqtaryna aldanyp qalmaýdyń qandaı amaly bar

NUR-SULTAN. QazAqparat – Іshki ister mınıstrliginiń málimetinshe, búginde Qazaqstanda alaıaqtyq onyń ishinde ınternet arqyly alaıaqtyq qylmys azaımaı tur.

Alaıaqtar tsıfrlyq tehnologııa men áleýmettik jeliniń kómegin paıdalaný arqyly túrli ádispen turǵyndardy arbaýyna túsirip jatyr. Osy oraıda mınıstrlik alaıaqtarǵa aldanyp qalmaýdyń birneshe amalyn atady, dep habarlaıdy QazAqparat tilshisi.

«Birinshiden, bógde kisige jeke derekterdi bermeý kerek. Onyń ishinde jeke kýálik, bank kartasy jáne taǵy sol sııaqty. Kóp jaǵdaıda azamattardyń jeke málimetterin bank nemese belgili bir kompanııanyń qyzmetkerimin dep tanystyryp bilip alady. Ekinshiden, ınternet arqyly tapsyrys jasaǵanda saıt jumysynyń zańdylyǵyn tekserý qajet. Zattaı almaı, kórmeı jatyp aldyn ala tólem jasamaý kerek. Sebebi, aqshany alyp alǵan soń, saıttaǵy habarlandyrýdy óshire salady, nátıjesinde zatta joq, aqsha da joq», - dedi QR ІІM Krımınaldyq polıtsııa departamenti kıberqylmysqa qarsy kúres ortalyǵy basshysynyń mindetin atqarýshy Rústem Dúısetaev onlaın ótken baspasóz máslıhatynda.

Sondaı-aq, mınıstrlik ókili tez tabysqa keneltemiz degen habarlandyrýdan aýlaq bolýǵa shaqyrdy.

«Búginde usaq qarjylyq mekemeler jumys isteıdi. Olar turǵyndardy utysqa, ınvestıtsııa quıýǵa shaqyrady. Alaıaqtar sizge salǵan aqshańyz azdaǵan ýaqyttan soń birneshe esege kóbeıedi dep ýáde beredi. Sonymen qatar uıaly telefon nemese elektrondy poshtaǵa kelgen belgisiz spam-habarlama, siltemelerdi ashýdyń qajeti joq. Ásirese, banktik derekterge kelgende saq bolǵan jón. ıAǵnı bank kartasy, logın, qupııa sóz taǵy sol sııaqty», - deıdi ol.

Buǵan deıin ishki ister mınıstrliginiń ókili ınternet alaıaqtardyń turǵyndardy qalaı aldaıtyny týraly aıtyp bergen edi.

Odan bólek, Qazaqstanda ınternet alaıaqtyqpen kúresetin arnaıy jedel-tergeý tobynyń qurylǵanyn habarlaǵan edik.