Internattaǵy bala ólimine qatysty kúdikti qamaýǵa alyndy - Almaty oblysy

TALDYQORǴAN. QazAqparat - Almaty oblysynda balalardyń tserebaldy sal aýrýyna shaldyqqan búldirshindi óltirgen kúdikti sottyń sanktsııasymen qamaýǵa alyndy, dep habarlaıdy «QazAqparat» HAA tilshisi.

«QR Qylmystyq kodeksiniń 99-baby, 2-bóligine səıkes, kúdiktini eki aı merzimge qamaýǵa alý týraly sanktsııa berildi», - dedi Almaty oblystyq sotynan.

Eske sala keteıik, buǵan deıin faktini oblystyq ІІD rastaǵan bolatyn. Vedomstvonyń resmı ókili Kóbeıhan Nurahmet túsindirip ótkendeı, is jiti baqylaýǵa alynyp, sotqa deıingi tergeý amaldary júrgizilgen. Kúdikti áıel tutqyndaldy, ol Talǵar aýdandyq ІІB ýaqytsha ustaý ızolıatoryna qamalǵan edi.

Budan buryn BAQ-ta «Aıala» mamandandyrylǵan balalar ınternatynda segiz jasar balanyń ólimi týraly habarlanǵan bolatyn. Balanyń júrek soǵysy toqtap, qaıtys bolǵany aıtyldy. Týystarynyń nusqasy boıynsha, balany tárbıeshi tunshyqtyryp óltirgen.