InSight zondy tuńǵysh ret Mars topyraǵyn burǵylady

ASTANA. QazAqparat - NASA-nyń «Mars InSight» zondy tuńǵysh ret Mars ǵalamsharynyń topyraǵyn burǵylady. Bul týraly Germanııanyń avıatsııa jáne garysh ortalyǵyna (DLR) silteme jasap QazAqparat habarlaıdy.

Zond operatsııany 28 aqpanda júrgizgen. 4 saǵatta ol tórt myń soqqy jasap, 18-50 santımetrge tereńdedi. Boljam boıynsha burǵylaý qondyrǵysy tasqa tıip, 15 gradýsqa baǵytyn burǵan jáne tasty ornynan qozǵaltyp jibergen nemese onymen endi janaspaǵan.

Qazir InSight salqyndap jatyr, osydan soń taǵy da 4 saǵattyq ekinshi kezeń bastalady. Burǵylaý maqsaty - 3-5 metrge deıin úńgileý. Bul Qyzyl ǵalamshardyń qoınaýynan shyǵatyn jylý aǵynyn esepteý úshin 14 temperatýralyq datchıgi bar jeli ótkizýge múmkindik beredi.

NASA-nyń «Mars InSight» zondy 2018 jyldyń mamyr aıynda iske qosylǵan. Qarashada ol Marsqa, Elızıı taýynyń aýmaǵyna qondy. Sol kezde zond Qyzyl ǵalamshardyń betinen alǵashqy fotosýretti jibergen bolatyn. Al jeltoqsanda jeldiń gýilin jazyp aldy.