Inflıatsııalyq protsester boljamdarymyzǵa sáıkes qalyptasýda - Aqyshev

ASTANA. QazAqparat - Qazaqstanda ınflıatsııalyq protsester elimizdiń Ulttyq banki boljamdaryna sáıkes qalyptasýda. Bul týraly búgin Ortalyq kommýnıkatsııalar qyzmetindegi brıfıngte QR Ulttyq banki tóraǵasy Danııar Aqyshev aıtty, dep habarlaıdy QazAqparat.

«Inflıatsııalyq protsester Qazaqstanda boljamdarymyzǵa sáıkes qalyptasýda. 9 aıda jınaqtalǵan ınflıatsııa 4,2 paıyz boldy. Bul ótken jylǵy deńgeıden tómen. Qyrkúıekte jyldyq ınflıatsııa 7,1 paıyz deńgeıinde qalyptasty. Ótken  jyly osy ýaqyttaǵy jyldyq ınflıatsııa 16,6 paıyzdy qurady. Jyldyń qorytyndysy boıynsha, ınflıatsııany aǵymdaǵy jylǵa arnalǵan 6-8 paıyzdyq nysanaly dáliz sheginde saqtalady dep kútemiz», - dedi Ulttyq bank basshysy.

Onyń aıtýynsha, halyq arasynda júrgizilgen saýalnama barysynda respondentter ınflıatsııa deńgeıi turaqty deńgeıde degen pikirlerin bildirgen.

«Inflıatsııalyq kútýlerdiń bir jyl burynǵy sandyq baǵasy  6,5 paıyz deńgeıinde. Ol naqty ınflıatsııadan tómen qalyptasýda jáne aldaǵy jyldyń 5-7 paıyzdyq nysanaly dálizinde ornalasýda», - dedi Danııar Aqyshev.