Indýstrııalandyrý kartasy: Atyraý oblysynda broıler etin óndiretin keshen iske qosylady
Bul týraly turǵyndar aldynda esep bergen Mahambet aýdany ákiminiń ýaqytsha mindetin atqarýshy Muqash Zulharnaı málim etti.
«Aýdanda Indýstrııalandyrý kartasy aıasynda birneshe jobany iske qosý josparlandy. Bıyl «Meken Chiken» JShS-niń «Broılerlik qus etin óndirý keshenin salý» jobasy júzege asady. Jobanyń quny – 5,9 mlrd teńge. Bul joba iske qosylǵanda 79 adam jumyspen qamtylady. Sondaı-aq, «Jýmaǵalıeva» ShQ jylyjaı jobasyn iske qosqaly otyr. Jylyjaı jobasynyń quny 1,2 mlrd teńge. Jańa jylyjaıda 40 adam jumys isteıtini kózdelgen. Qazir jylyjaıdyń qurylysy bastaldy. Oǵan 16 gektar jer ýchaskesi bólindi» -dedi Muqash Zulharnaı.
Onyń aıtýynsha, byltyr Mahambet aýdanynda Indýstrııalandyrý kartasy aıasynda 4 joba iske qosylǵan. Onyń ishinde «Birinshi maı» JShS-niń úsh jobasy bar. Bul – sút óndirý zaýyty, bıogýmýs óndirý kesheni men sút óńdeý fermasyn keńeıtý jobasy. Al, tórtinshisi – «Saraıshyq ATSh» JShS-niń eshki sútin óndirý fermasy.
Bul jobalarda 125 jumys orny ashylǵan.
Eske sala ketelik, buǵan deıin Atyraý oblysynda almanyń 32 túrinen shyryn óndiretin tseh ashylǵanyn jazǵan bolatynbyz.
